(1)మరీచి కొడుకు కశ్యప ప్రజాపతి. బ్రహ్మదేవుడి కుడి చేతి బొటన వేలి నుండి దక్షుడు అనే పురుషుడు, ఎడమచేతి బొటన వేలి నుండి ధరణి అనే స్త్రీ జన్మించారు. వారు ఇరువురికి వెయ్యి మంది మహా రుషులు జన్మించారు. (2)బ్రహ్మ మానస పుత్రులలో రెండవ వాడైన అంగిరుసున కు, ఉతధ్యుడు, బృహస్పతి, సంవర్తుడు అనే కొడుకులు పుట్టారు. బృహస్పతి దేవతలకు గురువు ఐనాడు. (3).అత్రి అనే మానసపుత్రునికి అనేక మంది మహా మునులు జన్మించారు.(4) పులస్త్యుడు అనే బ్రహ్మ మానసపుత్రునకు, రాక్షసులు జన్మించారు. (5)పులహుడు అనే మానస పుత్రునకు, కిన్నరలు, కింపురుషులు జన్మించారు.(6)క్రతువు అనే మాన సపుత్రునకు పక్షి జాతి పుట్టింది.

॥ శ్రీః ॥
12.345. అధ్యాయః 345
Mahabharata - Shanti Parva - Chapter Topics
భీష్మేణ యుధిష్ఠిరంప్రతి ఉపరిచరవసోః శాపప్రాప్తితద్విమోచనప్రకారకథనం॥ 1॥
Mahabharata - Shanti Parva - Chapter Text

యుధిష్ఠిర ఉవాచ। 12-345-0x(6572)(79559)
యదా భక్తో భగవతి ఆసీద్రాజా మహాన్వసుః।
కిమర్థం స పరిభ్రష్టో వివేశ వివరం భువః॥ 12-345-1(79560)
భీష్మ ఉవాచ। 12-345-2x(6573)
అత్రాప్యుదాహరంతీమమితిహాసం పురాతనం।
ఋషీణాం చైవ సంవాదం త్రిదశానాం చ భారత॥ 12-345-2(79561)
`ఇయం వై కర్మభూమిః స్యాత్స్వర్గో భోగాయ కల్పితః।
తస్మాదింద్రో మహీం ప్రాప్య యజనాప తు దీక్షితః॥ 12-345-3(79562)
సవనీయపశోః కాల ఆగతే తు బృహస్పతిః।
పిష్టమానీయతామత్ర పశ్వర్థమితి భాషత॥ 12-345-4(79563)
తచ్ఛ్రుత్వా దేవతాః సర్వా ఇదమూచుర్ద్విజోత్తమం।
బృహస్పతిం మాంసగృద్ధాః పృథక్పృథగిదం పునః॥' 12-345-5(79564)
అజేన యష్టవ్యమితి ప్రాహుర్దేవా ద్విజోత్తమాన్।
స చ ఛాగోప్యజో జ్ఞేయో నాన్యః పశురితి స్థితిః॥ 12-345-6(79565)
ఋషయ ఊచుః। 12-345-7x(6574)
బీజైర్యజ్ఞేషు యష్టవ్యమితి వై వైదికీ శ్రుతిః।
అజసంజ్ఞాని బీజాని చ్ఛాగం నో హంతుమర్హథ॥ 12-345-7(79566)
నైష ధర్మః సతాం దేవా యత్ర బధ్యేత వై పశుః।
ఇదం కృతయుగం శ్రేష్ఠం కథం వధ్యేత వై పశుః॥ 12-345-8(79567)
భీష్మ ఉవాచ। 12-345-9x(6575)
తేషాం సంవదతామేవమృషీణాం విబుధైః సహ।
మార్గాగతో నృపశ్రేష్ఠస్తం దేశం ప్రాప్తవాన్వసుః॥ 12-345-9(79568)
అంతరిక్షచరః శ్రీమాన్సహస్రబలవాహనః।
తం దృష్ట్వా సహసాఽఽయాంతం వసుం తే త్వంతరిక్షగం॥ 12-345-10(79569)
ఊచుర్ద్విజాతయో దేవానేష చ్ఛేత్స్యతి సంశయం।
యజ్వా దానపతిః శ్రేష్ఠః సర్వభూతహితప్రియః।
కథంస్విదన్యథా బ్రూయాదేష వాక్యం మహాన్వసుః॥ 12-345-11(79570)
ఏవం తే సంవిదం కృత్వా విబుధా ఋషయస్తథా।
అపృచ్ఛన్సహితాఽభ్యేత్య వసుం రాజానమంతికాత్॥ 12-345-12(79571)
భో రాజన్కేన యష్టవ్యమజేనాహోస్విదౌషధైః।
ఏతన్నః సంశయం ఛింధి ప్రమాణం నో భవాన్మతః॥ 12-345-13(79572)
స తాన్కృతాంజలిర్భూత్వా పరిపప్రచ్ఛ వై వసుః।
కస్య వై కో మతః పక్షో బ్రూత సత్యం ద్విజోత్తమాః॥ 12-345-14(79573)
ఋషయ ఊచుః। 12-345-15x(6576)
ధాన్యైర్యష్టవ్యమిత్యేవ పక్షోఽస్మాకం నరాధిప।
దేవానాం తు పశుః పక్షో మతో రాజన్వదస్వ నః॥ 12-345-15(79574)
భీష్మ ఉవాచ। 12-345-16x(6577)
దేవానాం తు మతం జ్ఞాత్వా వసునా పక్షసంశ్రయాత్।
ఛాగేనాజేన యష్టవ్యమేవముక్తం వచస్తదా॥ 12-345-16(79575)
కుపితాస్తే తతః సర్వే మునయః సూర్యవర్చసః।
ఊచుర్వసుం విమానస్థం దేవపక్షార్థవాదినం॥ 12-345-17(79576)
సురపక్షో గృహీతస్తే యస్మాత్తస్మాద్దివః పత।
అద్యప్రభృతి తే రాజన్నాకాశే విహతా గతిః॥ 12-345-18(79577)
అస్మాచ్ఛాపాభిఘాతేన మహీం భిత్త్వా ప్రవేక్ష్యసి।
` విరుద్ధం వేదసూత్రాణాముక్తం యది భవేన్నృప।
వయం విరుద్ధవచనా యది తత్ర పతామహే॥' 12-345-19(79578)
తతస్తస్మిన్ముహూర్తేఽథ రాజోపరిచరస్తదా।
అధో వై సంబభూవాశు భూమేర్వివరగో నృప॥ 12-345-20(79579)
స్మృతిస్త్వేవం న విజహౌ తదా నారాయణాజ్ఞయా॥ 12-345-21(79580)
దేవాస్తు సహితాః సర్వే వమోః శాపవిమోక్షణం।
చింతయామాసురవ్యగ్రాః సుకృతం హి నృపస్య తత్॥ 12-345-22(79581)
అనేనాస్మత్కృతే రాజ్ఞా శాపః ప్రాప్తో మహాత్మనా।
అస్య ప్రతిప్రియం కార్యం సహితైర్నో దివౌకసః॥ 12-345-23(79582)
ఇతి బుద్ధ్యా వ్యవస్యాశు గత్వా నిశ్చయమీశ్వరాః।
ఊచుః సంహృష్టమనసో రాజోపరిచరం తదా॥ 12-345-24(79583)
బ్రహ్మణ్య దేవభక్తస్త్వం సురాసురగురుర్హరిః।
కామం స తవ తుష్టాత్మా కుర్యాచ్ఛాపవిభోక్షణం॥ 12-345-25(79584)
మాననా తు ద్విజాతీనాం కర్తవ్యా వై మహాత్మనాం।
అవశ్యం తపసా తేషాం ఫలితవ్యం నృపోత్తమ॥ 12-345-26(79585)
యతస్త్వం సహసా భ్రష్ట ఆకాశాన్మేదినీతలం।
`విరుద్ధం వేదసూత్రాణాం న వక్తవ్యం హితార్థినా॥ 12-345-27(79586)
అస్మత్పక్షనిమిత్తేన వ్యసనం ప్రాప్తమీదృశం।'
ఏకం త్వనుగ్రహం తుభ్యం దద్మో వై నృప్రసత్తమ।
యావత్త్వం శాపదోషేణ కాలమాసిప్యసేఽనఘ॥ 12-345-28(79587)
భూమేర్వివరగో భూత్వా తావత్త్వం కాలమాప్స్యసి।
యజ్ఞేషు సుహుతాం విప్రైర్వసోర్ధారాం సమాహితైః॥ 12-345-29(79588)
ప్రాప్స్యసేఽస్మదనుధ్యానాన్మా చ త్వాం గ్లానిరావిశేత్।
న క్షుత్పిపాసే రాజేంద్ర భూమేశ్ఛిద్రే భవిష్యతః॥ 12-345-30(79589)
వసోర్ధారామిపీతత్వాత్తేజసాఽఽప్యాయితేన చ।
స దేవోఽస్మద్వరాత్ప్రీతో బ్రహ్మలోకం హి నేష్యతి॥ 12-345-31(79590)
ఏవం దత్త్వా వరం రాజ్ఞే సర్వే తే చ దివౌకసః।
ఋతుం సమాప్య పిష్టేన మునీనాం వచనాత్తదా॥' 12-345-32(79591)
గతాః ధమవనం దేవా ఋషగశ్చ తపోధనాః।
`గృహీత్వా దక్షిణాం సర్వే గతః స్వానాశ్రమాన్పునః॥ 12-345-33(79592)
వసుం విచింత్య శక్రశ్చ ప్రవినేశామరావతీం।
వసుర్వివరగస్తత్ర వ్యలీకస్య ఫలం గురోః॥' 12-345-34(79593)
చక్రే వసుస్తతః పూజాం విష్వక్సేనాయ భారత।
జప్యం జగౌ చ సతతం నారాయణముఖోద్గవం॥ 12-345-35(79594)
తత్రాపి పంచభిర్యజ్ఞైః పంచకాలానరిందం।
అయజద్ధరిం సురపతిం భూమేర్వివరగోఽపి సన్॥ 12-345-36(79595)
తతోఽస్య తుష్టో భగవాన్భక్త్యా నారాయణో హరిః।
అనన్యభక్తస్య సతస్తత్పరస్య జితాత్మనః॥ 12-345-37(79596)
వరదో భగవాన్విష్ణుః సమీపస్థం ద్విజోత్తమం।
గరుత్మంతం మహావేగమావభాషేఽప్సితం తదా॥ 12-345-38(79597)
ద్విజోత్తమ మహాభాగ పశ్యతాం వచనాన్మమ।
సంరాడ్రాజా వసుర్నామ ధర్మాత్మా సంశితవ్రతః॥ 12-345-39(79598)
బ్రాహ్మణానాం ప్రకోపేన ప్రవిష్టో వసుధాతలం।
మానితాస్తే తు విప్రేంద్రాస్త్వం తు గచ్ఛ ద్విజోత్తం॥ 12-345-40(79599)
భూమేర్వివరసంగుప్తం గరుడేహ మమాజ్ఞయా।
అధశ్చరం నృపశ్రేష్ఠం ఖేచరం కురు మాచిరం॥ 12-345-41(79600)
గరుత్మానథ విక్షిప్య పక్షౌ మారుతవేగవాన్।
వివేశ వివరం భూమేర్యత్రాస్తే వాగ్యతో వసుః॥ 12-345-42(79601)
తత ఏనం సముత్క్షిప్య సహసా వినతాసుతః।
ఉత్పపాత నభస్తూర్ణం తత్ర చైనమముంచత॥ 12-345-43(79602)
అస్మిన్ముహుర్తే సంజజ్ఞే రాజోపరిచరః పునః।
సశరీరో గతశ్చైవ బ్రహ్మలోకం నృపోత్తమః॥ 12-345-44(79603)
ఏవం తేనాపి కౌంతేయ వాగ్దోషాద్దేవతాజ్ఞయా।
ప్రాప్తా గతిరధస్తాత్తు ద్విజశాపాన్మహాత్మనా॥ 12-345-45(79604)
కేవలం పురుషస్తేన సేవితో హరిరీశ్వరః।
తతః శీఘ్రం జహౌ శాపం బ్రహ్మలోకమవాప చ॥ 12-345-46(79605)
భీష్మ ఉవాచ। 12-345-47x(6578)
ఏతత్తే సర్వమాఖ్యాతం సంభూతా మానవా యథా।
నారదోఽపి యథా శ్వేతం ద్వీపం స గతవానృషిః।
తత్తే సర్వం ప్రవక్ష్యామి శృణుష్వైకమనా నృప॥ ॥ 12-345-47(79606)

ఇతి శ్రీమన్మహాభారతే శాంతిపర్వణి మోక్షధర్మపర్వణి పంచచత్వారింశదధికత్రిశతతమోఽధ్యాయః॥ 345॥

Mahabharata - Shanti Parva - Chapter Footnotes

12-345-7 అజస్థస్మ మేధస్య బీజేషు సంక్రమాద్వీజాన్యేవాజసంజ్ఞానీతి యుక్తం॥
12-345-23 అస్య ప్రతిక్రియా కార్యేతి ధ. పాఠః॥

www.sanatanadharm.com - play store app (sanatana dharm)

"Bharathiya Sanatana Dharm" and Sanatana Dharmam & Dharmo rakshati Rakshitha logo are our trademarks. Unauthorised use of "Sanatana Dharmam & Dharmo rakshoati Rakshitha" and the logo is not allowed. Copyright © sanatanadharm.com All Rights Reserved . Made in India.